അന്ന് പുറത്തു നല്ല മഴ പെയ്യുന്നുണ്ട്. അവള് പതിയെ മഴയിലൂടെ തന്റെ കാല്പ്പാദങ്ങള് മുന്നോട്ടു വച്ചു.ചുറ്റും ഉയര്ന്നു പൊങ്ങി നില്ക്കുന്ന കാറ്റാടി വൃക്ഷങ്ങള് ക്ക് ഇടയിലൂടെ അവള് നടന്നു. ഒരു സന്ധ്യയുടെ വരവെന്ന പോലെ ആ പ്രദേശം മുഴുവനും പതിയെ ഇരുട്ട് പടര്ന്നു തുടങ്ങി. അവളുടെ ഇടതൂര്ന്ന മുടിയിഴകളില് നിന്നും മഴത്തുള്ളികള് ഇറ്റിറ്റു വീണു കൊണ്ടിരുന്നു. ശ്യാമാവര്ണത്തോട് കൂടിയ അവളുടെ ആടകള് മഴയില് കുതിര്ന്നതായി തോന്നി. അവള് ആരാണ് ? അതാണ് മോഹിനി ..... ജോലി കഴിഞ്ഞു വീട്ടില് എത്തിപ്പെടാനുള്ള തത്രപ്പാടിലാണ് അവള്. അവളുടെ കാലുകളുടെ വേഗത കൂടിയതായി അനുഭവപ്പെട്ടു. ബാങ്കിലെ ജോലി നോക്കുന്ന മോഹിനിയുടെ തുച്ഛമായ ശമ്പളം കൊണ്ടാണ് അവളുടെ വീട് കഴിഞ്ഞു പോകുന്നത്.അച്ഛന് ചെറുപ്പത്തിലെ മരിച്ചു. അമ്മയും ഒരു അനിയനുമാണ് അവള്ക്കുള്ളത്. മോഹിനിയെ പഠിപ്പിക്കാന് തന്നെ അവളുടെ അമ്മ ഒരുപാടു കഷ്ടപ്പെട്ടു.ഇപ്പോള് ഒരു വര്ഷമായി ഒരു വശം തളര്ന്നു ഒരേ കിടപ്പാണ്. അവളുടെ കണ്ണുകള് നനയുന്നുവോ?..... എന്താണ്..........? എന്തിനാണ് അവളുടെ കണ്ണുകള് ഈറനനിഞ്ഞത്.............? ഓഫീസിലെ മേലുധ്യൊഗസ്തരുദെ അതിര് വിട്ട പെരുമാറ്റം ....